ჩვენი ექიმები

ჩვენი ექიმები

მაკა დარსაველიძე

დირექტორი

maka@betaplusfertility.com

ქალბატონი მაკა არის მაღალკვალიფიციური და ენერგიული მენეჯერი, რომელსაც აქვს სამედიცინო სფეროში მრავალწლიანი გამოცდილება და მნიშვნელოვანი მიღწევები. მას ასევე აქვს საზოგადოებასთან ურთიერთობების და სახელმწიფო ორგანოებთან სტრატეგიული კომუნიკაციის სფეროში მუშაობის გამოცდილება. ქალბატონი მაკა ცხრა წლის განმავლობაში ასისტენციას უწევდა საქართველოს პირველ ლედის, რომლის ძირითადი აქტივობა უკავშირდებოდა ქვეყანაში ჯანდაცვის და ქველმოქმედების სფეროს.

ქალბატონი მაკა არის ჟურნალისტიკაში მეცნიერებათა დოქტორის ხარისხის მფლობელი და საქართველო სახელმწიფო უნივერსიტეტის დოცენტი. ის კითხულობს ლექციებს, ატარებს კურსებს საზოგადოებასთან ურთიერთობებში, ჟურნალისტიკაში, მედია სამართალში, ეთიკაში და მენეჯმენტში.

ის არის შედეგზე ორიენტირებული ლიდერი, რომელსაც აქვს მენეჯმენტის კუთხით ხუთწლიანი გამოცდილება. ქალბატონი მაკა ხელმძღვანელობდა New Life-ის ერთერთ საერთაშორისო ფილიალს, მუშაობდა სხვადასხვა კლინიკებთან პარტნიორული პროექტების კუთხით და მართავდა ამ სფეროში წამყვან კოლეგებთან სტრატეგიულ კომუნიკაციას. ის ასევე აქტიურად მეთვალყურეობას უწევდა პაციენტების პროგრამების დაგეგმვასა და კოორდინაციას, ამავდროულად შესაბამისი მოლაპარაკებების გამართვას.

ქალბატონი მაკა არის მოტივირებული ლიდერი, რომელიც კლინიკაში თანამშრომლებს უქმნის აქტიურ, პროდუქტიულ და სასიამოვნო სამუშაო გარემოს. ის მართავს კლინიკის ყოველდღიური სამუშაოს ასპექტებს და უზრუნველყოფს პაციენტების ხარისხიან მომსახურებას. ჯანდაცვის პრინციპების მრავალმხრივი ცოდნით, ქალბატონი მაკა წარმატებით ახორციელებს პაციენტებისთვის მაღალი ხარისხის შეთავაზებას , ნერგავს კლინიკის მოკლევადიან და გრძელვადიან გეგმებს, პოლიტიკას და პროცედურებს.

თამთა ცაავა

ექსტრაკორპორული განაყოფიერების მთავარი ექიმი, გინეკოლოგი, რეპროდუქტოლოგი

+995 598355155

tamta@betaplusfertility.com

ქალბატონმა თამთამ წარჩინებით დაამთავრა თბილისის სამედიცინო უნივერსიტეტი. მისი სამედიცინო კარიერა ი. ჟორდანიას სახ. ადამიანის რეპროდუქციის სამეცნიერო-კვლევითი ინსტიტუტიდან დაიწყო. მან გაიარა მრავალი ტრენინგი და გააჩნია ექსტრაკორპორული განაყოფიერების სფეროში მუშაობის 10 წელზე მეტი გამოცდილება. ქალბატონი თამთას სპეციალიზაცია მოიცავს შემდეგ მიმართულებებს: ქალთა და მამაკაცთა უშვილობა, დამხმარე რეპროდუქციული ტექნოლოგიები მესამე პირთა ჩართულობით (კვერცხუჯრედის დონაცია და სუროგაცია), გინეკოლოგიური ენდოკრინოლოგია, კონსერვატიული გინეკოლოგია, მენოპაუზა და პერიმენოპაუზა, კონტრაცეფცია, სპონტანური აბორტების რისკის მართვა და მკურნალობა.

პასუხისმგებლობა დაკისრებული მოვალეობების მიმართ, მაღალი შრომისუნარიანობა, პრობლემის გადაჭრის და რისკების მართვის, ინფორმაციის მიწოდების გამორჩეული უნარები, ინტერპერსონალური ურთიერთობის ღია და სამართლიანი ფორმატი მასთან ურთიერთობას ყველა ასპექტში სასიამოვნოს და საიმედოს ხდის.

ფლობს ქართულ, რუსულ და ინგლისურ ენებს.

ია ხიზანიშვილი

ექიმი გინეკოლოგი, რეპროდუქტოლოგი

ქალბატონმა იამ წარჩინებით დაამთავრა თბილისის სამედიცინო უნივერსიტეტი, მიღებული აქვს კვალიფიკაცია საქართველოსა და უკრაინაში.იგი მუშაობდა თბილისის ისეთ წამყვან კლინიკებში, როგორებიცაა: ი. ჟორდანიას სახ. ადამიანის რეპროდუქციის სამეცნიერო-კვლევითი ინსტიტუტი, სამედიცინო ცენტრი ინოვა და გააჩნია ექსტრაკორპორული განაყოფიერების სფეროში მუშაობის 20 წელზე მეტი გამოცდილება. ქალბატონი ია არის ESHRE-ევროპის რეპროდუქტოლოგთა და ემბრიოლოგთა საზოგადოებისა და ASRM-ამერიკის რეპროდუქციული საზოგადოების წევრი. გამოქვეყნებული აქვს 19 სამეცნიერო ნაშრომი, ასევე არის მრავალი ადგილობრივი თუ საერთაშორისო პროექტის მონაწილე და ავტორი.
ქალბატონი იას სპეციალიზაცია მოიცავს შემდეგ მიმართულებებს: ქალთა და მამაკაცთა უშვილობა, დამხმარე რეპროდუქციული ტექნოლოგიები მესამე პირთა ჩართულობით (კვერცხუჯრედის დონაცია და სუროგაცია), გინეკოლოგიური ენდოკრინოლოგია, კონსერვატიული გინეკოლოგია, კონტრაცეფცია, სპონტანური აბორტების რისკის მართვა და მკურნალობა.
ქ-ნი ია ცდილობს პირველივე კონსულტაცია იყოს მაქსიმალურად ინფორმაციული და მოსახერხებელი პაციენტისათვის, იქმნება ინდივიდუალური კვლევისა და მკურნალობის სქემა. მისი დამსახურებაა მრავალრიცხოვანი მადლიერი პაციენტების არსებობა.
სრულყოფილად ფლობს ქართულ, რუსულ და ინგლისურ ენებს.

მაია მიქავა

ექიმი გინეკოლოგი, რეპროდუქტოლოგი

ქალბატონმა მაიამ წარჩინებით დაამთავრა თბილისის სამედიცინო უნივერსიტეტი. ორდინატურა გაიარა კიევის ბოგომოლეცის სახელმწიფო სამედიცინო უნივერსიტეტში. ის ფლობს რეპროდუქტოლოგიისა და მეან-გინეკოლოგიის ლიცენზიებს.

მას აქვს რეპროდუქტოლოგად და მეან-გინეკოლოგად მუშაობის მრავალწლიანი გამოცდილება, როგორც საქართველოს, ასევე საზღვარგარეთ ისეთ წამყვან კლინიკებში, როგორიცაა: ხელოვნური განაყოფიერების კლინიკა ინ-ვიტრო, პარიზის ბიშატ კლოდ ბერნარდის საავადმყოფო, ზურაბ საბახტარაშვილის სამედიცინო კლინიკა, კიევის #7 სამშობიარო საავადმყოფო, თბილისის ღუდუშაურის სამედიცინო ცენტრი.

კლინიკა ბეტა პლიუს ფერტილიტში მისი ძირითადი მიმართულებაა: ექიმი-რეპროდუქტოლოგი, გინეკოლოგი.

ქალბატონო მაიას გულისხმიერი, მეგობრული დამოკიდებულების დამსახურებით, კლინიკაში მოსულ ყველა პაციენტს ხვდება მშვიდი, პროფესიონალური და საიმედო გარემო.

ფლობს ქართულ, ინგლისურ, რუსულ ენებს.

ვალერი ტოკარევი

ემბრიოლოგი, PGD/ PGS სპეციალისტი

valeri@betaplusfertility.com

valeri@betaplusfertility.com

ბატონმა ვალერიმ დაამთავრა კიევის ეროვნული სამედიცინო უნივერსიტეტი. იგი წარმატებით მუშაობს ემბრიოლოგიის დარგში 2010 წლიდან. იგი სპეციალიზირებულია ყველა თანამედროვე რეპროდუქციულ ტექნოლოგიებში, როგორიცაა ექსტრაკორპორული განაყოფიერება (IVF), სპერმის ინტრაციტოპლაზმური ინექცია (ICSI), სპერმის ფიზიოლოგიური ინტრაციტოპლაზმური ინექცია (PICSI), მორფოლოგიურად შერჩეული სპერმატოზოიდების ინტრაციტოპლაზმური ინექცია (IMSI), ლაზერული ინკუბაცია, პრეიმპლანტაციური გენეტიკური დიაგნოსტიკა (პგდ, PGD) სპერმის, კვერცხუჯრედების, ემბრიორნის ვიტრიფიკაცია (გაყინვა), ემბრიონების გადატანა. ბატონო ვალერი, პროფესიონალური უნარების დახვეწის მიზნით, ხშირად ესწრება საერთაშორისო კონფერენციებს და თანამშრომლობს ევროპელ ემბრიოლოგებთან.

იგი ხელმძღვანელობდა სამ ლაბორატორიას და მუშაობდა წამყვან ემბრიოლოგად უკრაინის ხელოვნური განაყოფიერების ცნობილ კლინიკებში. გარდა ამისა, მან გაიარა სტანდარტიზაციის საერთაშორისო ორგანიზაციის კურსები „ მოთხოვნები ლაბორატორიის მიმართ ISO სტანდარტების მიხედვით, ISO 17025:2017“.

მას სწამს,რომ ემბრიოლოგიური ლაბორატორია – ეს არის ბავშვის პირველი აკვანი და შესაბამისად უბადლო უნდა იყოს!

ჟადირა შაგიროვა

ემბრიოლოგი

ჟადირა არის ყაზახეთის ბიოლოგიის და ბიოტექნოლოგიების ინსტიტუტის (ყაზახეთი, ქ. ალმატი) კურსდამთავრებული, სადაც მან მიიღო ბაკალავრის და მაგისტრის ხარისხი. ინსტიტუტის დამთავრების შემდეგ ის მუშაობდა ბიოტექნოლოგიების ეროვნულ ცენტრში უმცროსი მკვლევარის პოზიციაზე. შემდგომში ის შეუერთდა ყაზახეთის ინვიტრო განაყოფიერების კლინიკას „პერსონა“ ემბრიოლოგის პოზიციაზე.
2019 წლიდან ჟადირა მუშაობს ბეტა პლიუს რეპროდუქტიულ კლინიკაში ემბრიოლოგის პოზიციაზე. როგორც მაღალკვალიფიციურ სპეციალისტს მას გააჩნია გამოცდილება სპერმის ანალიზის ჩატარებაში (სპერმოგრამა, მორფოლოგია, MAR-ტესტი) და ისეთი ანალიზების ჩატარებაში როგორიცაა: დნმ-ის ტესტი სპერმის ფრაგმენტაციისათვის, AZF Y ქრომოსომის მიკროდელეციის ანალიზი, ლოკუს CFTR გენის ანალიზი, კისტოზური ფიბროზი, ოოციტების კრიოკონსერვირება და გალღვობა , ემბრიონის, თესლოვანი სითხის გამოყვანა, IVF, ICSI, PICSI; ემბრიონის ბიოფსია). ჟადირა არის ჩვენი გუნდის მზრუნველი და წარმატებაზე ორიენტირებული წევრი.

ნინო პაპელიშვილი

ემბრიოლოგის ასისტენტი

ნინო ახლახანს შემოუერთდა კლინიკა „ბეტა პლუს ფერტილიტის“ როგორც ემბრიოლოგის ასისტენტი. ის არის თავდადებული ახალგაზრდა პროფესიონალი, რომელიც ყოველთვის მზადაა დამატებითი დრო გაატაროს ლაბორატორიაში, რათა საუკეთესო შედეგი იქნას დადებული. ნინო ეხმარება კლინიკის ემბრიოლოგს და დამატებით ინახავს დეტალურ კლინიკურ ჩანაწერებს. ის არის ენერგიით სავსე და სიამოვნებით ასრულებს ემბრიოლოგის ასისტენტის მოვალეობებს.

ნათია დემეტრაძე

ექიმი, მეან – გინეკოლოგი

თბილისის სახელმწიფო სამედიცინო უნივერსიტეტის დამთავრების შემდეგ ნათიამ დაიწყო სახელმწიფო სტაჟირება და გაიარა რეზიდენტურა მეანობა – გინეკოლოგიაში თბილისის სახელმწიფო სამედიცინო უნივერსიტეტის დიპლომის შემდგომი სამედიცინო განათლებისა და უწყვეტი პროგესიული განვითარების ინსტიტუტში.2010 წლიდან ნათია არის ლიცენზირებული მეან გინეკოლოლოგი და მუშაობდა სხვადასხვა კლინიკებში მეან გინეკოლოგად. ნათიამ გაიარა მრავალი ტრენინგი ისეთ სფეროებში როგორიცაა, კონსერვატიული გინეკოლოგია, ორსულობის მართვა და მკურნალობა, ონკო გინეკოლოგია , ლაპარასკოპიული ქირურგია.

ნინო როსტიაშვილი

ექიმი რადიოლოგი

ნინომ წარჩინებით დაამთავრა ივ. ჯავახიშვილის სახელობის თბილისის სახელმწიფო უნივერსიტეტის მედიცინის ფაკულტეტი, რის შემდეგაც დაიწყო სახელმწიფო სტაჟირება და გაიარა რეზიდენტურა რადიოლოგიაში თბილისის სახელმწიფო სამედიცინო უნივერსიტეტის დიპლომის შემდგომი სამედიცინო განათლებისა და უწყვეტი პროგესიული განვითარების ინსტიტუტში.
ნინო არის ლიცენზირებული ექიმი-რადიოლოგი და აქვს რადიოლოგიაში მუშაობის 6 წლიანი გამოცდილება თბილისის სხვადასხვა წამყვან სამედიცინო დაწესებულებებში.
კლინიკა ბეტაპლუს ფერტილიტიში ნინო უზრუნველყოფს ორსული პაციენტების მონიტორინგს და გეგმიურ ექოსკოპიურ კვლევებს.

მანანა ლიპარტელიანი

რადიოლოგის ასისტენტი

მანანამ წარმატებით დაამთავრა ივანე ჯავახიშვილის სახელობის სახელმწიფო უნივერსიტეტი. 2002 წლიდან მუშაობს ი. ჟორდანიას სახ. ადამიანის რეპროდუქციის სამეცნიერო-კვლევით ინსტიტუტსა და კლინიკური ონკოლოგიის ინსტიტუტში კომპიუტერის ოპერატორად რადიოლოგიის კაბინეტში.
მანანა ბეტა პლიუსში უზრუნველყოფს პაციენტების დოკუმენტაციის წარმოებას და ელექტრონულად მართვას, ექიმის მოთხოვნისამებრ საჭირო დოკუმენტაციის მოძიებას და მიწოდებას;დიაგნოზების ბეჭდვას, პაციენტების ინფორმირებას და მათ მომზადებას შემდგომი გამოკვლევებისათვის.
მანანა გამოირჩევა  გამართული წერითი და ზეპირი კომუნიკაციისა და გუნდური მუშაობის უნარით, ასევე ორგანიზებულობის და პასუხისმგებლობის მაღალი გრძნობით.

სოფი გაბრიაძე

პაციენტების კოორდინატორი

sophie@betaplusfertility.com

თბილისის სახელმწიფო სამედიცინო უნივერსიტეტის დამთავრების შემდეგ სოფომ სწავლა გააგრძელა ესტონეთში, ტალინის ტექნოლოგიურ უნივერსიტეტში,სადაც მან მოიპოვა სამეცნიერო მაგისტრის ხარისხი ჯანდაცვის მენეჯმენტში. ესტონეთიდან დაბრუნების შემდეგ, როგორც ჯანდაცვის ექსპერტმა სოფომ მუშაობა დაიწყო შრომის, ჯანმრთელობისა და სოციალური დაცვის სამინისტროში, გაუძღვა რამდენიმე ყველაზე წარმატებულ პროექტს საქართველოში და შეიძინა მნიშვნელოვანი პრაქტიკული ცოდნა, უნარები და გამოცდილება.

როგორც პაციენტების კოორდინატორი სოფო კოორდინაციას უწევს როგორც უცხოელ და ქართველ პაციენტებს, ასევე მომავალ პარტნიორებს. მისი ქარიზმატული ხასიათი და ემპათიის მაღალი გრძნობა საშუალებას აძლევს მას დაეხმაროს პაციენტებს და უზრუნველყოს მათი კმაყოფილება მიღებული სერვისით.

სოფო დეტალურად პასუხობს პაციენტების მიერ დასმულ შეკითხვებს, აცნობს მათ მკურნალობის სხვადასხვა შესაძლო ვარიანტებს და უზრუნველყოფს მათ საბოლოო ჩართვას პროგრამაში.

სოფო არის თქვენი პირველი საკონტაქტო პირი როდესაც გადაწყვეტთ ჩვენს კლინიკაში მკურნალობას

ნინო თოფურია

ფსიქოლოგი

ნინო ჩვენი კლინიკის, ბეტაპლუსის ფსიქოლოგია, სადაც იგი ინდივიდუალურ ფსიქოლოგიურ დახმარებას უწევს პაციენტებს , სუროგატებსა და დონორებს, რათა მათ შეძლონ ინფორმირებული გადაწყვეტილებების მიღება და უზრუნველყოფილი იქნას, რომ მთელი პროცესი ნაკლებ სტრესულად წარიმართოს მათთვის.
ნინომ დაამთავრა ფსიქოლოგიის ფაკულტეტი და გახლავთ ევროპის გეშტალტთერაპევთა ასოციაციის წევრი, ასევე კოგნიტურ ბიჰევიორული ფსიქოთერაპიის ასოციაციის წევრი. ნინო ამჟამად გადის 5 წლიან დიპლომისშემდგომი განათლების კურსს გეშტალტფსიქოლოგიაში, სადაც მას საშუალება აქვს კვალიფიკაცია აიმაღლოს გეშტალტფსიქოლოგიის მსოფლიო დონის კორიფეებთან, რომლებიც სასწავლო პროგრამაში მოწვეული სპეციალისტები არიან ინგლისიდან, იტალიიდან, ჰოლანდიიდან, უკრაინიდან აშ. ბეტაპლუსამდე ნინო მუშაობდა ქართულ ამერიკულ სკოლაში ფსიქოლოგად, ხოლო შემდეგ დავითიანის ფსიქოტერაპიულ ცენტრში,სადაც იგი ეხმარებოდა კლიენტებს სტრესის მართვაში და თვით ანალიზში. ნინოს ასევე მიჰყავს სატელევიზიო გადაცემა ‘’ შეხვდი შენს ფსიქოლოგს’’.
ნინოს სჯერა, რომ ემოციური მხარდაჭერა ყველაზე მეტად იმ პაციენტებს სჭირდებათ, ვინც საკმაოდ სტრესულ სამედიცინო პროცედურებს გადის. ამ მხრივ კი გამონაკლისს არც ინვიტრო განაყოფიერება წარმოადგენს. ‘’წარმატება ნებისმიერ სფეროში მომზადებული გონების ხვედრია’’ ამბობს ნინო და ცდილობს კლინიკაში შექმნას ისეთი მზრუნველო ატმოსფერო, სადაც პაციენტები, სუროგატები და დონორები თავს უსაფრთხოდ იგრძნობენ.
ასევე აღსანიშნავია ის ფაქტი, რომ პროგრამაში მონაწილეობის გადაწყვეტილებამდე ყველა სუროგატი დედა ნინოსთან გადის გასაუბრებას, რათა დარწმუნებული ვიყოთ მათ მენტალურ მზაობაში. თუმცა პირველადი შეფასება ეს მხოლოდ დასაწყისია, ამბობს ნინო და დასძენს, რომ იმ რეალობაში, სადაც გამუდმებით ყველაფერი იცვლება, მნიშვნელოვანია პაციენტებს, სუროგატებსა და დონორებს, ჰქონდეთ უწყვეტი, ყოველთვიური და საჭიროების შემთხვევაში ყოველკვირეული ფსიქოლოგიური მხარდაჭერის იმედი. აქედან გამომდინარე, ჩვენმა პაციენტება შესანიშნავად იციან, რომ ნინო მათთვის ყოველდღიურ რეჟიმში ხელმისაწვდომია. უწვეტი ზრუნვის პოლიტიკამ ბუნებრივია თავისი შედეგებიც გამოიღო და მას შემდეგ რაც ნინო ჩვენთან არის, მუცლის მოშლის პროცენტული მაჩვენებელი 5% შემცირდა, ხოლო ინვიტრო განაყოფიერების წარმატების მაჩვენებელი კიდევ 4.3 % გაიზრდება. ‘’სწავლა და შედეგების სრულყოფა მუდმივი პროცესია’’, ამბობს ნინო და სჯერა, რომ ზრუნვა, ყურადღება და მხარდაჭერა არასოდეს არის ზედმეტი.

ანა მექვაბიძე

რადიოლოგის ასისტენტი

ანამ წარჩინებით დაამთავრა სოხუმის სახელმწიფო უნივერსიტეტი ფსიქოლოგიის განხრით. 2005 წლიდან მუშაობს სამედიცინო სფეროში რადიოლოგის ასისტენტის პოზიციაზე.
ბეტა პლუსში ანა უზრუნველყოფს ექიმი რადიოლოგის  ასისტირებას კვლევის ჩატარების დროს; კვლევის ჩანაწერების ზუსტად და დროულად მომზადებას.
ანა მაღალკვალიფიციურად ასრულებს თავის მოვალეობას, მას ძალიან ეხმარება თავისი პროფესია პაციენტებთან ურთიერთობაში, თოთოეული პაციენტი მისგან გრძნობს ფსიქოლოგიურ მხარდაჭერას და რაც მასთან ურთიერთობას სასიამოვნოს და საიმედოს ხდის.

ნინა კვიციანი

დირექტორის ასისტენტი

თბილისის სახელმწიფო უნივერსიტეტის საზოგადოებრივი ჯანდაცვის ფაკულტეტის დამთავრების შემდეგ, ნინამ სწავლა განაგრძო საქართველოს საზოგადოებრივ საქმეთა ინსტიტუტის ჯანდაცვის პოლიტიკის და მენეჯმენტის ფაკულტეტზე. ამჟამად ის სწავლობს სამაგისტრო პროგრამაზე ნიუ ვიჟენ უნივერსიტეტში. ნინას გააჩნია საქართველოში ერთ-ერთი წამყვანი კარდიოლოგის ასისტენტად მუშაობის ორწლიანი გამოცდილება, სადაც მან მიიღო ცოდნა და პრაქტიკული გამოცდილება აღნიშნულ სფეროში. ზოგიერთ სამედიცინო სადაზღვევო კომპანიაში და საერთაშორისო პროექტებში მუშაობის გამოცდილება დიდ მნიშვნელობას ანიჭებს ნინას საქმიანოვას BETA კლინიკაში. დირექტორის ასისტენტის თანამდებობაზე ნინა მჭიდროდ თანამშრომლობს მასთან კლინიკის ყოველდღიური მუშაობის კოორდინაციისა და კონტროლის საკითხებში, ადგენს კალენდარს და მნიშვნელოვანი მოლაპარაკებების განრიგს, უზრუნველყოფს ყოველდღიური სამუშაო პროცედურების ეფექტურ შესრულებას, დირექტორთან ერთად ადგენს მიმდინარე პროექტებში ყოველდღიურ ვალდებულებებს. ნინა ასევე ეხმარება და უზრუნველყოფს კლინიკის მიმღების უწყვეტ მუშაობას, აქვს ურთიერთობა პაციენტებთან და წარმოადგენს კლინიკას პროფესიულ დონეზე. ნინა ფლობს ქართულ, რუსულ და ინგლისურ ენებს.

თამარ მუჩიაური

ფინანსური ადმინისტრატორი

საქართველოს ტექნიკური უნივერსიტეტის წარჩინებით დამთავრების შემდეგ თამარმა მოიპოვა მაგისტრის ხარისხი პროექტის მენეჯმენტში. თამარი მუშაობდა სხვადასხვა კომპანიებში უფროსი მოლარეს პოზიციაზე,  სადაც მან დიდი პრაქტიკული გამოცდილება შეიძინა ფინანსების მართვის მიმართულებით.
ბეტაპლუს ფერტილიტიში თამარის ფუნქციაა სხვადასხვა ფინანსური ოპერაციების მართვა, პაციენტების ასისტირება ფინანსურ საკითხებში, ყოველთვიური რეპორტების წარმოება.

თამარ გოგლიჩიძე

ხარისხის მართვის მენეჯერი

t.goglichidze@betaplusfertility.com

სავსე ენთუზიაზმითა და მრავალწლიანი გამოცდილებით პერსონალის მომსახურეობის სფეროში, თამარი კლინიკა „ბეტა პლუს ფერტილიტიში“ ძალისხმევას არ იშურებს იმისათვის, რომ თითოეული პაციენტი ჩვენგან კმაყოფილი წავიდეს.

როგორც ხარისხის მართვის მენეჯერი, თამარი ღიმილით ესალმება კლინიკაში მოსულ პაციენტებს, სიამოვნებით პასუხობს მათ კითხვებს და მთელი ვიზიტის განმავლობაში მონიტორინგს უწევს მომსახურების პროცესს. თამარი პასუხისმგებელია კლინიკაში მაღალი ხარისხის სერვისის უზრუნველყოფაზე და მუდმივად ნერგავს ახლებურ სტანდარტებს. მას ზუსტად ესმის პაციენტების მოთხოვნილებები და დაუზარებლად ახორციელებს სერვისის ხარისხის ეფექტური კონტროლს.

თამარის გულისხმიერი, მეგობრული დამოკიდებულება უზრუნველყოფს კლინიკაში მოსული პაციენტებისთვის მშვიდ, პროფესიონალურ და საიმედო გარემოს.

ირმა წივწივაძე

გინეკოლოგ-რეპროდუქტოლოგის ასისტენტი

ირმამ დაამთავრა თბილისის სავაჭრო-ეკონომიკური უნივერსიტეტი. 2016 წლიდან აქტიურად მუშაობს სამედიცინო სფეროში, რამდენიმე წელი მუშაობდა პირველადი ჯანდაცვის ცენტრში საყოველთაო დაზღვევის სპეციალისტის პოზიციაზე.
ბეტა პლიუსში ირმა აქტიურადაა ჩართული უშვილობის დიაგნოსტიკაში, ამოწმებს და ავსებს სამედიცინო ისტორიებს, ახდენს პაციენტების კონსულტირებას და ამზადებს მათ საჭირო გამოკვლევებისათვის. ირმას პაციენტები ახასიათებენ როგორც ძალიან მზრუნველ და მაღალი ემპათიის მქონე ადამიანს, რადგან იგი ძალისხმევას არ იშურებს იმისათვის, რომ კლინიკა ბეტა პლიუსის თითოეული პაციენტი ჩვენგან კმაყოფილი და წარმატებული წავიდეს

ეკატერინე გაბაშვილი

უმცროსი ექიმი

ეკატერინემ წარჩინებით დაამთავრა თბილისის სახელმწიფო სამედიცინო უნივერსიტეტი და შეიძინა პრაქტიკული გამოცდილება თბილისის სხვადასხვა წამყვანი კლინიკებიდან.
ბეტა პლიუსში ეკატერინე აქტიურადაა ჩართული როგორც უშვილობის დიაგნოსტიკაში , ასევე ორსული პაციენტების მონიტორინგში.იგი ამოწმებს და ავსებს სამედიცინო ისტორიებს, ახდენს პაციენტების კონსულტირებას და ამზადებს პაციენტს საჭირო გამოკვლევებისათვის.
”ჩვენ მოხიბლული ვართ ეკატერინეს გულისხმიერი, თავდადებული, მეგობრული და კომპეტენტური დამოკიდებულებით” ამბობენ ჩვენი პაციენტები

ნინო ნაცვლიშვილი

ექიმი რადიოლოგი

ნინომ დაამთავრა სახელწმიფო სამედიცინო უნივერსიტეტი და რეზიდენტურა რადიოლოგიაში.
მას გავლილი აქვს ტრეინინგები სხვადასხვა ცნობილ კლინიკებში და აქვს 5 წლიანი სამუშაო გამოცდილება რადიოლოგიაში.
კლინიკა „ბეტა პლუს ფერტილიტიში“ ნინო ატარებს გეგმიურ ექოსკოპიურ კვლევებს.

ანანო ზედგინიძე

უმცროსი ექიმი

ანანომ წარჩინებით დაამთავარა თბილისის სახელმწიფო სამედიცინო უნივერსიტეტი, წარმატებით ჩააბარა რეზიდენტურის გამოცდა და სწავლა განაგრძო ივანე ჯავახიშვილის სახელობის უნივერსიტეტში, სპეციალობაზე მეანობა-გინეკოლოგია, მან შეიძინა პრაქტიკული გამოცდილება სხვადასხვა წამყვან კლინიკაში, ბეტა პლიუსში ანანო აქტიურადაა ჩართული უშვილობის დიაგნოსტიკაში, ეხმარება ექიმს სხვადასხვა მანიპულაციის ჩატარებაში, ამზადებს პაციენტებს საჭირო გამოკვლევებისთვის და აწარმოებს სამედიცინო ისტორიებს.

ქეთევან პაიკიძე

უმცროსი ექიმი

ქეთევანმა დაამთავრა თბილისის სახელმწიფო სამედიცინო უნივერსიტეტი და ბელორუსიის დედაქალაქ მინსკში გაიარა რეზიდენტურა მეანობა – გინეკოლოგიაში. ქეთევანმა პრაქტიკული გამოცდილება შეიძინა როგორც თბილისის, ასევე ”დსთ”-ს ქვეყნების სხვადასხვა წამყვან კლინიკებში.
ბეტა პლიუსში ქეთევანი აწარმოებს როგორც ორსული, ასევე გინეკოლოგიური და რეპროდუქციული დარღვევების მქონე პაციენტების მონიტორინგს, კონსულტირებას და ამზადებს მათ საჭირო გამოკვლევებისa და პროცედურებისათვის.

თამთა გრიგოლია

უმცროსი ექიმი

თამთამ დაამთავრა თბილისის სახელმწიფო სამედიცინო უნივერსიტეტი. როგორც სტუდენტობისას,ასევე უნივერსიტეტის დამთავრების შემდგომ მან შეიძინა პრაქტიკული გამოცდილება სხვადასხვა სამედიცინო დაწესებულებებში,ის ასისტირებას უწევდა ექიმთა კვალიფიციურ გუნდს, ბეტა პლიუსში თამთა აქტიურადაა ჩართული უშვილობის დიაგნოსტიკაში,ეხმარება ექიმს სხვადასხვა მანიპულაციების ჩატარებისას,ის ამზადებს პაციენტებს საჭირო გამოკვლებენისათვის და აწარმოებს სამედიცინო ისტორიებს.

ლია მაცაბერიძე

ექსტრაკორპორული განაყოფიერების ექთანი

lia@betaplusfertility.com

ქალბატონი ლია – ექსტრაკორპორული განაყოფიერების სფეროს გამოცდილი ექთანია. იგი არც ისე დიდი ხანია რაც ჩვენი გუნდის წევრია. მან დაამთავრა თბილისის სახელმწიფო უნივერსიტეტი. იგი სერტიფიცირებული ექთანია. ხელოვნური განაყოფიერების კლინიკებში ექთნად მუშაობის მისი სტაჟი 14 წელს აღემატება. აქვს გადაუდებელი სამედიცინო ზრუნვის, პოსტ-მშობიარობის, მშობიარობაზე ზრუნვის გამოცდილება. ქალბატონი ლია ათ წელზე მეტი მუშაობდა ხელოვნური განაყოფიერების კლინიკაში Neoest ში.

„ეს საკმაოდ სტრესული პროცესია, რომელიც სავსეა დიდი მღელვარებით მშობლების მხრიდან. მე ვცდილობ სირთულეების შემცირებას, ხელს ვუწყობ მშობლების ინფორმირულობას. ეს ამცირებს მღელვარებას, რასაც საბოლოო ჯამში გაუმჯობესებულ შედეგებთან მივყავართ.“

ქალბატონი ლია – ძალიან მზრუნველი ადამიანია. მას მოსწონს პაციენტებზე ზრუნვა. იგი დადის მათთან სახლებში, მასტიმულირებელი ინექციების დროულად ჩატარებაზე მონიტორინგის განხორციელების და შესაბამისად რისკის თავიდან აცილების მიზნით.

იზოლდა მამარდაშვილი

ექთანი

ქალბატონმა იზოლდამ დაამთავრა თბილისის სახელმწიფო უნივერსიტეტი. როგორც სერთიფიცირებულ ექთანს, მას აქვს კლინიკებში მუშაობის მრავალწლიანი გამოცდილება.
ის არის ძალიან გამოცდილი პროფესიონალი IVF სფეროში. როგორც ექთანი, იგი პაციენტებს უწევს სამედიცინო მომსახურებას და უზრუნველყოფს რომ, თითოეული პაციენტის გამოცდილება კლინიკაში იყო სასიამოვნო.

პიროვნული თვისებებიდან გამომდინარეც, გამოირჩევა პაციენტებისადმი მზრუნველობით და ყოველთვის მზად არის დაეხმაროს მათ.

ბრაიან იადენი (Brian Yaden)

უცხოელი პაციენტების კოორდინატორი

+17876792800

brian@betaplusfertility.com

ატონმა ბრაიანმა წარჩინებით დაამთავრა ფლორიდის საერთაშორისო უნივერსიტეტი. 2010 წელს მან და მისმა ოჯახმა წამოიწყეს სუროგაციის საკუთარი გზა. ამ დროიდან, ბატონი ბრაიანი მოწვეული მომხსენებლის სტატუსით მონაწილეობს რეპროდუქტოლოგიის საკითხებისადმი მიძღვნილ მრავალ კონფერენციაში. ბ-ნი ბრაიანი თავად გახდა საერთაშორისოდ აღიარებული ექსპერტი ამ სფეროში. იგი ეხმარება სუროგაციის გზაზე მდგომ მრავალ ოჯახს, უწევს მათ კონსულტირებას და ეხმარება საერთაშორისო სუროგაციის საკითხებში გარკვევაში. 2014 წელს ბ-ნი ბრაიანის ცხოვრებაში ბედნიერი მოვლენა მოხდა. ტაილანდში, არაჩვეულებრივი სუროგატი დედის დახმარებით გაჩნდა მისი შვილი, პატრიცია. ბატონი ბრაიანი ჩვენი გუნდის ფასეული წევრია. იგი აშშ-ში კლინიკა ბეტა პლიუსის -ს ექსკლუზიური, უფლებამოსილი წარმომადგენელია.

ნინო სუხიტაშვილი

ბუღალტერი

ივანე ჯავახიშვილის სახელობის თბილისის სახელმწიფო უნივერსიტეტის ბიზნესის ადმინისტრირების ფაკულტეტზე სწავლის დასრულების შემდეგ, ნინო მუშაობდა საქართველოს წამყვან ბანკებში სხვადასხვა პოზიციაზე. მოგვიანებით კი გადაწყვიტა, რომ დამატებით შეესწავლა საბუღალტრო საქმე და პრაქტიკული სამუშაო გამოცდილება დააგროვა სხვადასხვა დიდ და წარმატებულ კომპანიაში. ნინო ახლაც აგრძელებს თავისი ცოდნის გაღრმავებას და არის ACCA საერთაშორისო პროგრამის სტუდენტი.

კლინიკა ბეტაპლუს ფერტილიტიში ნინო სრულად აწარმოებს კლინიკის ფინანსურ მენეჯმენტს. ის პასუხისმგებელია მენეჯმენტისთვის ფინანსური ინფორმაციის მიწოდებაზე, დოკუმენტაციის ორგანიზებასა და ფინანსებთან დაკავშირებულ ყველა სხვა საკითხზე.

ნინო გამოირჩევა დეტალებისადმი ყურადღებით და სიზუსტით, რაც უზრუნველყოფს კლინიკაში ფინანსური საკითხების დროულ და სრულყოფილად შესრულებას. 

ენები: ქართული, რუსული, ინგლისური

ქეთევან შიოშვილი

ექთანის ასისტენტი

ქალბატონ ქეთევანს პაციენტებსა და ექთნებსა და ექიმებს შორის შუამავლის ფუნქცია აკისრია. იგი აღრიცხავს და გადასცემს სამედიცინო პერსონალს ყველა საკითხს. იგი მუშაობდა ექთანის ასისტენტად მრავალ კლინიკაში და გააჩნია სამედიცინო დახმარების სფეროში მუშაობის უდიდესი გამოცდილება.

ბეტა პლიუსში ქალბატონი ქეთევანი ახდენს სტერილიზაციას, იგი ალაგებს და ასუფთავებს, თვალს ადევნებს უსაფრთხოების ზომების და ჰიგიენის ნორმების სათანადო შესრულებას. ქალბატონი ქეთევანი არაჩვეულებრივი პიროვნებაა. იგი ყველას ღიმილით ეგებება და თითოეულ ადამიანს ასაჩუქრებს სითბოთი და გულწრფელი ზრუნვით.

ირაკლი ხვიჩია

ლოჯისტიკის მენეჯერი/მძღოლი

ირაკლი ჩვენი კლინიკის “ ბეტა პლიუს ფერტილიტი“ ღირსეული წევრია. ის პასუხისმგებელია მომმარაგებლების ქსელის დაგეგმვა, განხორციელებასა და ზედამხედველობაზე. ირაკლი უზრუნველყოფს ყველა საშუალებისა და მარაგის ეფექტურად გამოყენებას. ლოჯისტიკის მენეჯერის უფლებამოსილების შესრულებასთან ერთად, ის ასევე არის კლინიკის მძღოლი. ის უზრუნველყოფს პაციენტებისა და პარტნიორების დახვედრას აეროპორტში და მათ გადაადგილებას შესაბამისი მიმართულებით. ირაკლი თავისი საქმის პროფესიონალია და პაციენტების მხრიდან დადებით, ენერგიულ პიროვნებად ფასდება.

ენები : ქართული, ინგლისური, რუსული