მომსახურების სტანდარტები

მოლოდინს მიღმა

ბეტა პლიუსის გუნდი დარწმუნებულია იმაში, რომ ხელოვნური განაყოფიერების კლინიკა ის წმინდა ადგილია, სადაც, ყოველდღიურად განხორციელებული საქმიანობა უნდა აჭარბებდეს ყოველგვარ მოლოდინს, იმისთვის, რომ შეიქმნას ახალი სიცოცხლის სასწაული და იმედგაცრუებული არ დავტოვოთ ჩვენს იმედად მყოფი არც ერთი პაციენტი. ჩვენი მიზანია გამოვიჩინოთ შეუდარებელი თანადგომა და თანაგრძნობა თითოეული პაციენტის მიმართ. სწორედ ამიტომ, ჩვენი გუნდის ყოველი წევრი მიიჩნევს თავის პერსონალურ მოვალეობად და მორალურ პასუხისმგებლობად, მომავალი მშობლების წინაშე გააკეთოს ყველაფერი მათი სანუკვარი ოცნების ასრულებისთვის.

თითოეულ პიროვნებას თავისი საჭიროებების, მოთხოვნილებების, სურვილების, შეძენილი გამოცდილების მიხედვით შეიძლება გააჩნდეს საკუთარი მოლოდინი მიღებულ შედეგებთან თუ სერვისთან მიმართებაში. ამიტომ ჩვენი მიზანი და ამოცანა არა მხოლოდ ახალი სიცოცხლის შექმნა და ჯანმრთელი ბავშვის დაბადებაა, არამედ ისიც, რომ ყურადღებით მოვუსმინოთ თითოეულ პაციენტს, გავითვალისწინოთ მათი შენიშვნები, ვიზრუნოთ მათ კომფორტზე და განვათავისუფლოთ ისინი ზედმეტი სტრესისგან და ტვირთისგან.

ჩვენ მზად ვართ მოვისმინოთ ნებისმიერი მოსაზრება,შენიშვნა თუ განხვავებული აზრი, რადგან , სწორედ ეს გვეხმარება მომსახურების დახვეწაში და მომავალი მშობლებისთვის სათანადო დახმარების აღმოჩენაში. ამრიგად, ყოველგვარი ყოყმანის გარეშე, დაგვიკავშირდით ნებისმიერ დროს, გამოთქვით მოსაზრებები მომსახურების გაუმჯობესების თაობაზე. თქვენი აზრი, თქვენი აბსოლუტური კმაყოფილება – ჩვენთვის ყველაზე დიდი ფასეულობაა. საბოლოო ჯამში, ჩვენი მამოძრავებელი ძალა ხომ თქვენი ოჯახია.